Monday, July 31, 2017

བོད་ཀྱི་རང་དབང་། སྐུ་ཞབས་ཨེ་ལི་ཡ་ཊི་ སི་པར་ལིང་རྗེས་དྲན་གཟེངས་རྟགས།/ Tibet’s Freedom: Ideas For a Strategy. A Prize in Memory of Elliot Sperling

   བོད་ཀྱི་རང་དབང་། སྐུ་ཞབས་ཨེ་ལི་ཡ་ཊི་ སི་པར་ལིང་རྗེས་དྲན་གཟེངས་རྟགས།   འཐབ་རྩོད་ཆེད་འཐབ་ཇུས་ལྡན་པའི་རྣམ་དཔྱོད་འགྲན་སྡུར།     སྐུ་ཞབས་ཨེ་ལི་ཡ་ཊི་ སི་པར་ལིང་མཆོག་གིས་སྐུ་ཚེ་ཧྲིལ་པོའི་རིང་བོད་ཀྱི་རང་དབང་རང་བཙན་ འཐབ་རྩོད་ཆེད་ཁ་ཞེ་གཉིས་མེད་ཀྱིས་རྒྱབ་སྐྱོར་གནང་བ་དང་། བོད་ཀྱི་ལོ་རྒྱུས་དང་འབྲེལ་བའི་ རླབས་ཆེའི་མཛད་རྗེས་རྣམས་ལ་རྗེས་དྲན་དང་རྒྱུན་འཛིན་ཞུ་ཆེད། “ཨེ་ལི་ཡ་ཊི་སི་པར་ལིང་རྗེས་དྲན་གཟེངས་རྟགས་” གསལ་བསྒྲགས་ཞུ་རྒྱུ་ཡིན། རྗེས་དྲན་གྱི་གཟེངས་རྟགས་འདི་དམ་པ་ཁོང་གི་གྲོགས་པོ་ ཅི་ཅི་ ཝི་སི་ཀོན་ཏི་དང་། (Cicci Visconti) རོ་སྦེར་ཏོ་ ཝེ་ཏ་ལི། (Roberto Vitali) ཕིི་ཌི་རི་ཀ་ ཝན་ཏུ་རི་ (Federica Venturi) བཅས་ནས་མཐུན་འགྱུར་དང་དབུ་འཛུགས་གནང་བ་ ཞིག་རེད།གཟེངས་རྟགས་དེའི་དམིགས་ཡུལ། ༡༽ བོད་དོན་བདེན་མཐའ་གསལ་བའི་ཉིན་མོ་སླེབས་པར། ༢༽ འཆར་གཞི་དང་ལྡན་པའི་འཆར་སྣང་མཁོ་གྲུབ་ཞུ་ཆེད་ཡིན་པ་དང་། དེ་ནི་རྩོམ་ཡིག་དང་། སྙན་ངག །གཞས་ཚིག རི་མོ་སོགས་སྒྱུ་རྩལ་གང་རུང་ནང་ཡིན་ཆོག འགྲན་སྡུར་ནང་མཉམ་བཞུགས་གནང་མཁན་ཚོས་ད་ལྟའི་བོད་དོན་འཐབ་རྩོད་ཀྱི་གནས་སྟངས་དེ་ གོམས་པ་མདུན་སྤོས་ཡོང་བར་ཕུགས་དང་ཕྲལ་སེལ་གང་གི་ཆ་ནས་ཀྱང་ཐབས་ཇུས་དང་བསམ་བློ་ གསར་པ་ཞིག་ཐོག་འཆར་སྣང་དགོས་པ་རེད། དེ་ཡང་། བཟང་ཤོས་བྱུང་ན་བོད་ཕྱི་ནང་གཉིས་ཀའི་ ད་ལྟའི་གནས་སྟངས་སེམས་ལ་བཅངས་པའི་ཐོག་ནས་ལག་བསྟར་བྱ་ཐུབ་རྒྱུ་ཡོད་པ་ཞིག་དགོས་ཀྱང་། བོད་ཕྱི་ནང་གཉིས་ཀྱི་གནས་སྟངས་དབྱེ་ནས་ འཆར་གཞི་གཏིང་ན་ཡང་ཆོག། འཛུལ་ཞུགས་གནང་མཁན་ ཚོས་འཆར་གཞི་རིང་ཐུང་ལ་ལྟོས་མེད། འཆར་སྣང་དེ་དག་བོད་པའི་ཆབ་སྲིད་དང་། ཞི་བའི་འཐབ་རྩོད། [...]